- A canle de televisión pública galega pechou a pasado mes como o mellor dos últimos 4 anos, cun incremento de audiencia con respecto a xullo e ao ano pasado
- Os programas informativos da TVG seguen a ser os máis vistos deste xénero en Galicia; a G2, pola súa parte, conseguiu a cota de pantalla máis alta desde 2015
A TVG segue a ser a canle pública máis vista na nosa comunidade. Ademáis, segundo o medidor Kantar Media, ocupa a segunda praza entre as canles que integran FORTA, só por detrás de TV3. Por si fora pouco, a televisión pública galega rematou o pasado mes de agosto cun incremento de audiencia con respecto a xullo e tamén ao mesmo período do ano pasado.
O mellor mes de agosto desde 2018
A TVG acadou o mes pasado unha cota de pantalla do 9,8%, 3 décimas máis ca no mes de xullo. O incremento é máis salientable na franxa de maior consumo televisivo, no prime time. Rexistrou un 11,1%, superando en máis dun punto o valor do mes anterior. Con respecto a agosto de 2021, aumentou en 7 décimas a súa cota no conxunto do mes. No que levamos de ano, a cota media é do 10,2%.
Ademais dos programas de entretemento, os informativos da TVG foron o máis vistos deste xénero en Galicia ao longo do mes. A súa cota media foi do 13,9%. Case un millón e medio de galegos, o 55,2% da poboación de 4 e máis anos, se informaron a través da Televisión de Galicia durante o último mes.
Incrementaron a cota de pantalla con respecto a hai un mes os luns, os martes, os mércores, os venres e os domingos. Na franxa do prime time, destaca a suba en case todas as xornadas, especialmente as laborables. Na fin de semana, salienta o incremento da franxa informativa de 13.30 a 15.30 h, que gaña 1,9 puntos. Ademais, a G2 conseguiu a súa cota de pantalla máis alta desde maio de 2015.
