Contratación dun gabinete de prensa por parte do Consorcio As Mariñas

24 abril, 2019

O presente contrato ten por obxecto a contratación dun gabinete de prensa por parte do Consorcio As Mariñas, integrado por Abegondo, Bergondo, Betanzos, Cambre, Carral, Culleredo, Oleiros e Sada.

A necesidade que resulta preciso cubrir para acadar os fins de servizo ao público asignado a esta entidade é difundir, promocionar e posicionar as actividades que o Consorcio realiza no ámbito das súas competencias. Os obxectivos finais que se pretenden acadar son a mellora na percepción da cidadanía das actividades do Consorcio As Mariñas así como a difusión dos servizos que presta.

Os traballos a realizar consistirán en:

Redacción e supervisión de notas e comunicados de prensa e a súa transmisión.
Actuar de interlocutores cos xornais, a fin de facilitarlles aos profesionais as súas tarefas nas distintas áreas e centros dependentes do Consorcio.
Servizo fotográfico.Elaboración de noticias multimedia, non só de texto, senón tamén con fotografías e audios.
Elaboración de dossier de prensa para actos públicos, comparecencias, conferencias de prensa, etc.
Elaboración de informes xornalísticos internos para adoptar determinadas estratexias de comunicación.
Creación e realización de estratexias comunicativas en xeral e en situacións de crises informativas, en particular.
Preparación de conferencias de prensa e comparecencias informativas.
Elaboración de artigos e reportaxes
Xestionar todas as tarefas relacionadas coa comunicación no caso da celebración de xornadas, seminarios, ….
Convocatorias de conferencias de prensa.
Atender os medios de comunicación na súa relación co Consorcio e canalizar as súas peticións.
Elaboración de estratexias específicas de reportaxes de información para remitir ás revistas e diarios de ámbito rexional e nacional.
Asesoramento ao Consorcio en materia informativa e de comunicación.
Facilitar a información redactada para os contidos da páxina web.