-
‘Benvidos Novos Larseiros!’ de BAP&Conde, ‘Queixos HOXE’ de Pío García Audiovisuais e ‘Stop_Bullyng’ do IES Leixa foron os outros tres galardoados
-
Durante a entrega de premios, Miguel Santalices reivindicou a importancia da publicidade e animou a axencias e anunciantes a utilizar o galego nas súas campañas
A Xunta de Galicia, a través da Secretaría Xeral de Política Lingüística, apoiada polo Parlamento de Galicia e o Foro Enrique Peinador, entregou os XXVI Premios de Publicidade en Galego.
O acto foi presidido polo presidente do Parlamento de Galicia, Miguel Santalices, quen reivindicou a importancia da publicidade nos tempos actuais e animou a axencias e anunciantes a utilizar o galego nas súas campañas.
Un ano máis, recoñeceron o traballo e talento galego a través de cinco categorías:
Premio de Publicidade en Galego Categoría Radio: ‘Benvidos Novos Larseiros!’
Anunciante _ Larsa
Axencia _ BAP&Conde
Premio de Publicidade en Galego Categoría Televisión: ‘Fillo do Atlántico’
Anunciante _ Martín Códax
Axencia _ &Rosás
Premio de Publicidade en Galego Categoría Internet: ‘Queixos HOXE’,
Anunciante _ Cooperativa HOXE
Axencia _ Pío García Audiovisuais
Premio de Publicidade en Galego Categoría Prensa Escrita: ‘Fillo do Atlántico’
Anunciante _ Martín Códax
Axencia _ &Rosás
Premio de Publicidade en Galego Categoría Centro de Formación de futuros profesionais do ámbito: ‘Stop_Bullyng’
IES Leixa
Bodegas Martín Códax foi recoñecida con dous Premios en prensa escrita e televisión pola súa campaña ‘Fillo do Atlántico’, coa que quere romper co código de comunicación habitual entre as marcas de viños -que soen ser de produto- e traballar nunha imaxe de marca que destaque os valores da coñecida cooperativa.
“Con esta campaña, Bodegas Martín Códax, quixo -e quere- dar a coñecer o corazón da marca e fortalecer o seu posicionamento, para poder continuar abandeirando a gastronomía Atlántica. E fixémolo contando historias reais e humanas daquelas persoas que viven e vivimos por e para o Atlántico e que compartimos co noso albariño Martín Códax a influencia e forza do mar”, sinalou o seu presidente Xoán Allegue.
