Marcos Méndez, xornalista freelance lucense, acaba de converterse no gañador do XIX Premio José Couso de Liberdade de Prensa. Un galardón entregado polo Colexio Profesional de Xornalistas de Galicia (CPXG) e o Club de Prensa de Ferrol, e que conta coa colaboración do Concello de Ferrol. A candidatura de Marcos Méndez, resultou vencedora con maioría suficiente por parte do xurado e sen necesidade de darlle uso o voto de calidade do presidente. O Premio José Couso é un recoñecemento o seu labor xornalístico na guerra de Ucrania
Marcos Méndez Moreira (Lugo, 1976) é licenciado en Comunicación Audiovisual pola Universidade de Navarra. Conta cun mestrado en Produción Audiovisual pola Universidad Complutense e outrode Industrias Creativas da Universidade de Santiago de Compostela. Traballou para medios de comunicación como Localia Telelugo, Atlas Galícia (Tele5), Antena3 e TVE. Desde 2010 traballa como xornalista freelance para a Televisión de Galicia, Radio Galega, laSexta, Tele5, Cuatro, Alianza Informativa Latinoamericana e Tv Caracol.
O seu labor xornalístico levouno aos cinco continentes, desde onde informou de acontecementos como as Olimpíadas de Sydney, a declaración da Muralla de Lugo como Patrimonio da Humanidade ou a erupción do volcán Cumbre Vieja na Palma. Desde o 25 de febreiro de 2022 é correspondente na guerra de Ucraína. Os seus artigos para El Progreso, recollidos co título «Sobre o Terreo», valéronlle o premio da Asociación de Medios de Información no 2022. Un ano no que tamén foi recoñecido polos galardóns Lucenses do Ano.
