- A granxa avícola artesanal Galo Celta investiga, xunto o Centro Tecnolóxico da Carne, o desenvolvemento de produtos avícolas cardiosaludables con bagazo de Estrella Galicia
- Esta investigación expón alternativas na alimentación das aves realizando combinacións con distintos ingredientes e analizando o seu potencial como suplemento forraxeiro.
Que na nosa comunidade a maior parte da xente bebe Estrella Galicia é unha realidade, pero e que agora tamén resulta que os galos e galiñas benefícianse das súas propiedades forraxeiras. Bueno non tod@s, polo momento tan só ós galos celtas da granxa avícola Galo Celta que está a investigar, xunto có Centro Tecnolóxico da Carne, as propiedades do bagazo da cervexa galega.
Mercado da colleita
Galo Celta é unha granxa avícola de Vila de Cruces dedicada á cría en liberdade de galos e galiñas, coñecida sobre todo polos seus ovos, unha auténtica xoia gastronómica. Pero no seu compromiso de levar ao mercado produtos avícolas artesáns e máis sostibles, están enfocando os seus esforzos en colaborar activamente co Mercado da Colleita, o proxecto de impacto social da Corporación Hijos de Rivera que impulsa o desenvolvemento socioeconómico do rural galego.
Bagazo de Estrella Galicia como suplemento alimenticio
Entre os novos ingredientes que están incluíndo na dieta dos seus galos e galiñas atópase o bagazo da cervexeira galega. Un subproduto, resultante do proceso de prensado e filtración do mosto obtido tras a cocción do cereal malteado, que conta con propiedades positivas probadas na alimentación dalgunhas especies animais como é o caso das vacas leiteiras. Con esta investigación preténdese analizar as posibilidades que ofrece este subproduto para o sector da avicultura.
Unha acción que integra varias contribucións á sustentabilidade baseada no concepto da economía circular ao reintroducir o bagazo da fábrica de Estrella Galicia a un novo ciclo produtivo e empregalo como materia prima, un recurso de proximidade que permite a Galo Celta reducir a súa pegada ambiental.
Para Galo Celta, como afirma David Sueiro: «o compromiso coa sustentabilidade que asumimos a todos os niveis está a permitirnos impulsar o negocio» . Por iso traballan na transición das súas explotacións e procesos cara a un modelo que lles permita lograr un impacto neto positivo, un camiño que os levou a alcanzar xa fitos reseñables como conseguir que o seu produto estrela, os ovos de galiña máis caros do mundo, fosen tamén os primeiros en obter a certificación de pegada ambiental calculada en España.
