Os Premios Martín Códax da Música fan este 2023 nada menos que dez anos. Uns galardóns da bodega cambadesa en colaboración coa asociación Músicas ao Vivo e que acaban de abrir a súa convocatoria este ano. A eles pódense presentar todos os proxectos musicais galegos vixentes, e que estiveran en activo durante este último ano. Estes premios teñen como obxectivo visibilizar a creatividade musical de artistas e bandas de Galicia e o potencial da música como sector estratéxico na sociedade e economía da rexión.
Os Premios Martín Códax da Música 2023 volven as súas datas habituais prepandemia. Integran quince categorías musicais, tres premios Organistrum, un galardón honorífico e, por segundo ano, o Mellor Proxecto de Artista Emerxente. O proceso de inscrición de proxectos estará aberto ata o 2 de abril a través da web premiosmartincodaxdamusica.gal.
Collemos folgos para ser ambiciosos, queremos uns premios coa magnitude do traballo que hai detrás. Estamos moi orgullosos de ter contribuído a esta andaina; desde as adegas o apoio á cultura e, máis concretamente, á música en Galicia é fundamental”.
Jorge Pallarés, director de marketing e comunicación das Bodegas Martín Códax.
