Este venres 12 de novembro regresan por todo o alto os Premios Paraugas que neste 2021 celebrarán a súa sexta edición en formato presencial. Unha gala que arrincará ás 20:00 da tarde en Expourense e que tamén poderá ser seguida vía streaming. O Clúster de Comunicación de Galicia xa se atopa ultimando preparativos para que nada falle a hora de poñer en valor a creatividade, o deseño, o marketing, a comunicación, os eventos e a impresión dos profesionais, empresas e institucións galegas a través destes Premios.
O xurado de expertos xa elexiu os finalistas que competirán por facerse cun destes galardóns. Estes profesionais coa súa sabiduría terán a última palabra para distinguir as pezas e estratexias que destacan pola súa innovación, funcionalidade, boas prácticas e obtención tanxible de resultados, pero se ti foses xurado… A quen escollerías? En ExtraDixital abrimos votacións para que elixas os teus favoritos dos Premios Paraugas. Non te durmas! Tes ata o xoves 11 de novembro ás 23:00h para votar.
