O obxecto do acordo marco é a contratación dun servizo para a execución e implementación do plan de medios de ámbito galego e nacional, para a Axencia de Turismo de Galicia, durante un ano, coa intención de sensibilizar á poboación e aos sectores implicados sobre os valores do turismo e a gastronomía en Galicia.
En concreto, o obxecto do presente acordo marco comprende a realización dunha estratexia e plan de medios, incluíndo a execución e xustificación cuantitativa e cualitativa, que abarque:
- Custos da Estratexia, investigación, planificación, execución, xustificación e avaliación das campañas de Medios durante a vixencia do acordo marco.
- Custo da adquisición de espazos publicitarios en todos os medios/soportes, que se determinen.
Tendo en conta o período de duración do acordo marco e dependendo das necesidades de difusión e comunicación, está prevista a realización de cinco oleadas, de impacto autonómico e nacional, ao longo do período de vixencia:
- Promoción turística de Galicia na primavera: potenciando o interese turístico de Galicia durante a Semana Santa e as pontes de maio.
- Produto gastronómico: potenciando a variedade da gastronomía Galicia, así como a calidade da súa restauración.
- Promoción turística de Galicia no verán: potenciando o interese turístico de Galicia durante o período estival de 2020.
- Concienciación e acollida de visitantes: campaña interna de concienciación para ofrecer un bo trato aos turistas que visitan a nosa comunidade, durante o período estival de 2020.
- Promoción turística de Galicia no outono: potenciando o interese gastronómico e turístico de Galicia durante o último trimestre de 2020.
O orzamento base de licitación acada os 6.915.000,00€ con IVE.
A data para presentar ofertas finaliza o 18 de decembro.
