Tras casi dous anos de parón presencial, volve a presencialidade aos Afterworks Marketing & Comunicación organizados polo Clúster de Comunicación de Galicia. Neste 2023 a idea da asociación é combinar a organización de Afterworks online con Afterworks presenciais para dar cobertura as necesidades dos distintos públicos.
O Afterwork de Marketing & Comunicación Presencial do Clúster, celebrase na sede do Círculo de Empresarios de Galicia (Vigo) o vindeiro xoves 23 de febreiro ás 19:30h. Chegará baixo o título: “Como vender de forma rendible e sostible por Internet”. Será impartido por Pablo Borrás, CEO de 2bedigital. Trátase da axencia de performance e growth márketing responsable da xestión de e-commerces como Gioseppo, Calzados Vitoria ou Martinelli (Pikolinos).
Un Afterwork do Clúster cheo de presencialidade, no que se nos explicará como unha correcta segmentación e unha visión holística das ferramentas publicitarias son clave para xestionar a rendibilidade e a sustentabilidade dos e-commerces. Durante a duración do Afterwork, habrá oportunidade de degustar un pequeno aperitivo.
Inscricións Afterworks Clúster:
Hora: 19:30h-20:30h
Lugar: sede Círculo de Empresarios de Galicia (Vigo).
- GRATIS para socios do Cluster da Comunicación de Galicia, Markea e Círculo de Empresarios de Galicia.
- Resto de asistentes: 10€/persoa
- Formalización de inscricións: AQUÍ
